رٌقًيَقً آلّمِشًآعٌرً

يا رقيق المشاعر .. وين راح الحنان ..؟!

ليه ما شلت قلب .. طاح قدام عينك ..؟!

الزمن هو زمانك و المكان .. المكان ..

وآخر الشعر كلمة .. تسألك عنك وينك ..؟!

من تقهويت صوتك سولف الزعفران ..

عاد وشلون فنجان تمده يمينك ..

تذكر شلون كنا ..؟!و الغلا كيف كان ..؟!

يوم لا غبت عنك ما أسمع إلا ونينك ..

أشعر بخوف مدري كنت أحس بأمان ..

يكفي إن جيت يمك طار فيني حنينك ..

شكثر كنت وافي وأقرب الناس خان ..

بس أثق فيك حتى لو عيوني تدينك ..

راحت سنين من عمري وعمرك ثمان

يوم شحت سنيني عوضتني سنينك

زان عمري بقربك يعني الوقت زان ..

حتى جرد القصايد ربعت في يدينك ..

طول عمري وأنا لاوي ذراع الهوان ..

شفت يومك بعيني منهو يقدر يهينك ..

ماأذكر أني نسيتك وأذكرك من زمان ..

وأذكر أني ضحية بين قلبي وبينك ..

تدري وش جابني لك ..؟! لا تقول الحنان ..

جيت بأشيل قلب .. طاح قدام عينك ..

__________________