هذي قصيدة للشاعر ناصر القريشي حبت أنكم تطلعون عليها
قم ياهجوسي . احتزم ناوَي نغير
قوم احتزم واصحى وصحصح يانايم
ماوالله تشفع لك جميع المعاذير
قال المثل ..وياالعزايم غنايم
عجل علي ياهاجسيَ بالتعابير
خلك معايه شايش ٍ للازايم
هات الجزايل فجّر الفكر تفجير
جنبني هرجة كل ناقد ولايم
بنصى كريم ٍ من سلايل مناعير
لاقلت ابو ناصر تطايح عمايم
لمحمد الجزله تسوق التباشير
دايم على كل المواجيب قايم
رجل ٍ يعجَز كل فكر ٍ وتفكير
فالمرجله سابح وغاطس وعايم
كريم سبلا ولايجي منه تقصير
حر ٍ على روس الطويلات حايم
من لابة ٍ تتصدر الطييب تصدير
تاريخها ما دونوا له هزايم
في ذكرهم ترجف جميع الطوابير
امزبنين ٍ كل داله وضايم
هواجر ٍ وقت الشدايد معاصير
انا اشهد ان فيهم حلال التمايم
رجالهم يعجز يصوَره تصوير
ماهوَ حكي شرايَ وبياع وسايم
ومجالس ٍ ودلال صفر ٍ مباهير
في ذكرهم كل الفعول العظايم
عز الله انه من رجال ٍ بها خير
الطيب في طيب الرجاجيل هايم
فيه القصايد غصب عنها تجي غير
قايم على كل المواجيب دايم
13-07-2008, 02:15 PM
العرض العادي
